اكبر ٦ مشاكل بتواجه الشركات في دفع المرتبات كاش 💷
لو انت صاحب شركة او مسؤول بشكل أو بآخر عن الحسابات خصوصا بند دفع المرتبات كاش فـ انت غالبا بتعدي بتجربة صعبة و مملة جدا في كل مرة بتقبض فيها الناس اللي بتشتغل معك، و ده من اول ما بتفكر تجيب الفلوس لحد ما كل واحد ياخد مرتبه و تمضية انه استلم. تعالوا نأخذكم في الرحلة الصعبة دي خطوه بخطوه
اهدار ١٩٢ ساعة سنويا
اول خطوه عشان نجهز ليوم القبض هي نروح نسحب الفلوس، فبنروح للبنك و إحنا و حظنا بقي في الوقت الضايع عشان الطريق و الزحمة و اكيد الركنه ، نوصل الفرع ناخد رقم و نقعد نستنى دورنا، طبعا احنا وحظنا بردو دورنا هيجي امتي. ده غير ان عملية دفع المرتبات كاش بتستهلك علي الاقل يومين شغل كاملين ده حوالي ١٩٦ ساعة سنويا!
الفلوس تتسرق💸
إهدار الوقت بيسبب احباط جامد جدا، بس تخيل لو اتسرقت بقي هتعمل ايه؟
بعيدا عن كل الوقت اللي ضاع ده ، بتيجي اخطر حته و هي نقل الفلوس من البنك لحد المكتب/المصنع, في كل مرة هتنقل فلوس المرتبات و تتحرك بيها دة يعرضها لخطر انها تضيع أو تتسرق.
تخيلوا لو عندكم مصنع مثلا فيه ٥٠ شخص و كل واحد مرتبه ٥،٠٠٠ جنيه مثلا ده معناه ان في ٢٥٠،٠٠٠ جنيه كل شهر محتاج انقلهم من البنك للشغل و يا سلام بقي لو الناس عندي بتقبض مرتين في الشهر، يعني هنعمل القصة مرتين كل شهر و طبعا الموضوع يزداد صعوبة و خطورة لو كان في اكتر من فرع عشان هتعدي علي فرع فرع تقبض الناس هناك .
لخبطة في عد الفلوس و تقسيمها ✉️
هنا بقي بتيجي خطوة انك تعد و تقسم الفلوس في كل ظرف (و ده طبعا في حاله انك عديت ووصلت بالفلوس بأمان) تخيلو لو في ٢٥٠ الف جنيه سحبناهم في الخطوة الاولي دلوقتي جه دور اننا نعد و نقسمهم على الموظفين، و هنا في كذا مشكلة.
بداية من الوقت اللي بيضيع في كل مرة بتعد فلوس وتقسمها و تحطها في الأظرف عشان تجهزها للموظفين، دة طبعاً لو محصلكش مشكلة في العد واضطريت تعد من الاول تاني. ممكن كمان اي فلوس زيادة في اي ظرف بتبوظلك الحسبة كلها. وكل ما عدد الموظفين زاد و مرتباتهم اختلفت، كل ما المشكلة دي بقت اكبر واصعب..
الفكة و الكسور 👛
طبعا معظم المرتبات بتكون فيها كسور يعني مثلا ٥،٦٩٧ و ٤٥ قرش، علي ما قد ما تبان انها مشكلة بسيطة بس في الحقيقة بتيقي خسارة كبير جدا، عشان يا هتحط فلوس بزيادة في الظرف و كده الشركة هتكون بتخسر أو هتنقص اصلا الفلوس من الموظف و تخليه هو اللي يتحمل الموضوع ده, و اوعدكم تأثير القصة دي على المدى البعيد مش هيكون في صالح الشركة خالص.
طابور استلام المرتب 👥
بيجي بقي فقرة ان كل موظف يستلم فلوسه، و هنا بيبقي في كذا طريقة على حسب مجال الشغل اللي بيعلن ان المرتب نزل و طبعا كل الموظفين بيسيبوا شغلهم و بيروحوا غالبا في نفس الوقت و ده بيعمل طابور طويل عقبال ما المسئول عن تسليم المرتبات يسلم الظرف و يمضي كل واحد. ده غير لو في حد عنده استفسار كمان و اللي بيقسم الناس علي مجاميع او علي حتي ايام عشان الشغل مايطعتلش
بس اللي مشترك مابين كل الطرق ان كلهم بيضيعوا وقت ضخم و مجهود سواء من ناحية الشركة او تجربه وحشة جدا من ناحية الموظف.
التاخيرات
كل الاسباب اللي اللي فاتت بتسبب تأخير في استلام المرتبات في المعاد، و طبعا دي بتبقي تجربة سيئة جدا للموظف، عشان ببساطة بيبقي في التزامات كتير مجتاجين يوفوها، و دي للاسف مش حاجة مضمونة لو الكاش هو الوسيلة اللي الموظفين بيقبضوا بيها.
الخبر السعيد
ان في حل بسيط جدا يخليك تبعت مرتبات الموظفين سواء كانوا واحد او حتي ١٠٠٠ بدوسه زرار، و توصلهم في ساعتها و انت قاعد في المكتب، وتتفادي كل المشاكل اللي فوق دي.
في شركات زاي اكسس بتقدم للشركات منصة مدفوعات من خلالها تبعت المرتبات عن طريق المحافظ الالكترونية الخاصة بالموظفين وال مشجع جدا ان الفلوس بتوصل بشكل لحظي وكل موظف هيبقي عنده مزايا كتير زي سحب الفلوس من اي ماكينة ATM او فوري و الدفع اونلاين و كمان بيجمع نقط و كاش باك وحاجات تانيه كتير.
الموضوع ما بياخدش وقت و ممكن تفعل الخدمة في نفس اليوم
دوس علي الزرار اللي تحت ده 👇🏼لو عايز تعرف اكتر او تسجل بيانات شركتك و تسيبك من قصة المرتبات الكاش
