اول ما الشركات تعدي المرحلة الاولي و تبدا تكبر، بيدوا يفكروا في طرق مختلفة تسهل عليهم عملية دفع المرتبات الكاش، كل ما عدد الموظفين بيزيد كل ما صعوبة ادارة المرتبات و المدفوعات بتزيد و بتستهلك وقت كبير. ممكن تقرا اكتر اهم ٦ اسباب بتقابل الشركات في دفع المرتبات كاش.

عشان الشركة تبدأ في دفع المرتبات بشكل سهل و سريع، بيبقي قدامها البنوك كحل من الحلول عشان تفتح حسابات لكل الموظفين أو الحل التاني هي ان تدفعلهم علي المحافظ الالكترونية.

و عشان الشركة تقدر تاخد القرار الصح لازم تعرف مميزات كل اختيار فيهم:

البنوك:

حد صرف اكبر للموظفين:

حسابات البنوك تعطي حدود للصرف أكبر نسبيا للمحافظ الإلكترونية اللي هي محدودة علي ٣٠ الف جنية يوميا بحد اقصي ١٠٠ الف جنيه شهريا.

الحد الأقصى للفلوس اللي في الحساب:

هنا مقصود الحد الأقصى من الفلوس اللي ممكن الحاسب يشيله، حسابات البنوك مالهاش حد أقصي من الفلوس تشيله على عكس المحافظ اللي ليها حد أقصى ١٠٠ ألف جنيه.

المحافظ الالكترونية:

السرعة و السهولة في تشغيل الخدمة

من اهم المميزات في دفع المرتبات عن طريق المحافظ الإلكترونية هي سهولة و سرعة تفعيل السيستم، مع اكسس مثلا ممكن تفعل حساب شركتك في نفس اليوم. علي عكس البنوك اللي التفعيل ياخد اسابيع.

دفع المرتبات في الإجازات

لما تدفع مرتبات الموظفين علي المحافظ الالكترونية بتوصل لحظيا اياً كان اليوم او الساعة، جمعة، سبت، في العيد او حتي ٢ بليل. علي الناحيه التانيه البنوك بتبقي مرتبط بساعات العمل و طبعا اكيد الإجازات مش متاحين بردو.

مافيش مصاريف مستخبية

لما تقرر تدفع المرتبات على المحفظة الالكترونية من خلال منصة مدفوعات زاي اكسس، بيبقي في رسوم شهرية بتدفعها للشركة و بعد قد بتدفع علي قد استخدامك بس، من غير مصاريف ادارية او حتي حد رصيد

ارتفاعات معدل دوران الموظفين (الناس مابتقعدش كتير في الشركة)

لو طبيعة مجال شركتك الموظفين أو العمال بتتغير او بتمشي كل وقت قصير مثلا زاي المطاعم، المقاولات، شركات الشحن، المصانع وشركات شغاله بنظام المشاريع. ساعتها المحفظة بتبقي حل مثالي، لسهولة فتحها و كمان لما الموظف بيمشي مش بيبقي في أي تكلفة على الشركة او حتى مضطرة تقفلها.

سحب الفلوس من اي حته

اول ما المرتب ينزل على محفظة الموظف ممكن يسحب فلوسه حرفيا من اي حته، اي ماكينه بنك ATM (مره ببلاش كل شهر بعد كده ١٠ج.م علي كل سحبه) او اي حد عنده ماكينه فوري في حوالي ٢٥٠،٠٠٠ مكان فيه فوري و ده بيكون مناسب اكتر للمدن الصغيرة او الارياف.

السلف و ادارتها

دايما اتاحه السلف للموظفين محتاج تركيز من ناحيه الادارة الماليه عشان السيولة او حتي في التسويات، الميزة في الشركات اللي تقدم دفع المرتبات عن طريق المحافظ انها تتيح للموظفين انهم يقبضوا بدري، بمعني انه ممكن يسحب لحد ٣٠٪ من مرتبهم اللي جاي و في الحاله دي الشركة اللي زاي اكسس مثلا هي اللي بتغطي السيوله دي من عندها و كمان وقت التسويه اخر الشهر اكسس اللي بتحسب من على السيستم الخاص بيها كل شخص له فلوس قد ايه و الموضوع شغال بشكل اتوماتيك. فبتالي بتحافظ علي سيولة شركتك للحاجات الاكثر اهمية.

وسائل دفع مختلفة للموظفين

علي عكس البنوك، المحافظ الالكترونية بتطيح للموظفين طرق للدفع تانيه مش بس عن طريق الكروت، مثلا ممكن يدفعوا بالتليفون علي طول بال QR كود و ممكن يعملوا كارت فيزا اونلاين عشان يشتروا به اي حاجة علي الانترنت.

دي كانت مقارنة سريعة ما بين اكسس و البنوك في اختيار نظام دفع المرتبات

لو بتدور علي طريقة بديلة للكاش في دفع المرتبات سيب بيانات شركتك هنا و حد هيتواصل معك